Akileraartarnermut isertitat pillugit kisitsisitigut paasissutissat
Akileraartarnermut isertitanut kisitsisitigut paasissutissat tassaapput isertitanut nalunaarsuutit, taakkuuppullu isertitat pillugit kisitsisitigut paasissutissani piffissami sivisunerpaami pigineqartut, immikkut soqutiginaatilimmik oqaluttuarisaanermik ersersitsisoq. Ukiut ingerlanerini akileraartarnermut inatsisit allanngortarneri aamma nalunaarsuinerni periutsit allanngortarneri eqqarsaatigalugit, akileraartarnermut isertitat pillugit kisitsisitigut paasissutissani tamanna eqqumaffigineqartariaqarpoq. 2016-imiit 2017-imut nikeriarneq, akileraartarnermik allannguineq, tassa utoqqalinersiassanut nunanut allanut akiliinermi akileraartalerneq, tassunga assersuutaavoq.
2018-imi isertitat akileraarutaasussat ataatsimut 11,3 mia. kr.-upput, akileraarutissaviillu 4,0 mia. kr.-ullutik. 1990-ikkut qiteqqusimalerneraniilli taakku qaffakkiartorsimapput, titartagaq 4.1. takuuk.
Titartagaq 4.1. 1988-imiit 2018-imut isertitat akileraarutaasussat akileraarutissaviillu ineriartornerat
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNS1
2018-imi isertitat ataatsimut akileraaruteqaataasussat ukiup siulianut sanilliullugit 481 mio. kr.-nik qaffariarsimapput, tamannalu qaffariaat 4,4 pct.-iuvoq. Titartakkami 4.2.-mi takuneqarsinnaavoq ataatsimut akileraaruteqaataasussat ukiut kingulliit sisamat ingerlanerini qaffangaatiartarsimasut.
Titartagaq 4.2. 1989-imiit 2018-imut isertitat akileraarutaasussat ukiumiit ukiumut ineriartornerat
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNS1
Titartakkap 4.3.-mi ersersinneqarpoq Kommuneqarfik Sermersuumi isertitat ataatsimut akileraaruteqataasussat ataatsimullu akileraarutissaviit malunnartumik kommuninut allanut sanilliullugit annertunerusut. 2018-imi nuna tamakkerlugu isertitat akileraaruteqaataasussat 49,3 pct.-iat, nuna tamakkerlugu isertitanit akileraarutit 50,5 pct.-iat, Kommuneqarfik Sermersuumeersuupput.
Titartagaq 4.3. 2018-imi isertitat ataatsimut akileraaruteqaataasussat ataatsimullu akileraarutissaviit kommuninut akileraarfissamut immikkoortillugit
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNS1
2014-imiit 2018-imut kommunini ataasiakkaani isertitat saqqummersitami uani immikkoortumi tabelitalimmi pissarsiarineqarsinnaapput. Piffissami sivisunerusumi isertitat kisitsisaataasivimmi pissarsiarineqarsinnaapput: http://bank.stat.gl.